2015 جىلعى 28 جەلتوقسان, استانا, ۇكىمەت ءۇيى
كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارىن بەكىتۋ تۋرالى
2015 جىلعى 29 قازانداعى قازاقستان رەسپۋبليكاسى كاسىپكەرلىك كودەكسىنىڭ 84-بابى 1-تارماعىنىڭ 1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارى بەكىتىلسىن.
2. «جەكە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 20 مامىرداعى № 511 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2014 ج. № 34, 325-قۇجات) كۇشى جويىلدى دەپ تانىلسىن.
3. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى
ك.ءماسىموۆ.
قازاقستان رەسپۋبليكاسى ۇكىمەتىنىڭ 2015 جىلعى 28 جەلتوقسانداعى
№1091 قاۋلىسىمەن بەكىتىلگەن
كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارى
1. جالپى ەرەجەلەر
1. وسى كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارى (بۇدان ءارى – قاعيدالار) 2015 جىلعى 29 قازانداعى قازاقستان رەسپۋبليكاسىنىڭ كاسىپكەرلىك كودەكسىنىڭ (بۇدان ءارى – كودەكس) 84-بابى 1-تارماعىنىڭ 1) تارماقشاسىنا سايكەس ازىرلەندى جانە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار قولدانىلادى:
1) بيزنەس-سايكەستەندىرۋ ءنومىرى (بسن) – زاڭدى تۇلعا جانە قىزمەتىن بىرلەسكەن كاسىپكەرلىك تۇرىندە جۇزەگە اسىراتىن دارا كاسىپكەر ءۇشىن قالىپتاستىرىلاتىن بىرەگەي ءنومىر;
2) ءتىزىلىم – كاسىپكەرلىك سۋبەكتىلەرىنىڭ ءتىزىلىمى – بۇل كاسىپكەرلىك سۋبەكتىلەرىنىڭ ساناتتارى تۋرالى مالىمەتتەردى قامتيتىن ەلەكتروندىق دەرەكتەر بازاسى;
3) جەكە سايكەستەندىرۋ ءنومىرى (جسن) – جەكە تۇلعالار, ونىڭ ىشىندە قىزمەتىن وزىندىك كاسىپكەرلىك تۇرىندە جۇزەگە اسىراتىن دارا كاسىپكەر ءۇشىن قالىپتاستىرىلاتىن بىرەگەي ءنومىر;
4) «زاڭدى تۇلعالار» مەملەكەتتىك دەرەكتەر بازاسى» اقپاراتتىق جۇيەسى (زت مدب) – بيزنەس-سايكەستەندىرۋ نومىرلەرىنىڭ ۇلتتىق ءتىزىلىمى, قۇرىلعان جانە قىزمەتىن توقتاتقان زاڭدى تۇلعالار (فيليالدار مەن وكىلدىكتەر), قىزمەتىن بىرلەسكەن كاسىپكەرلىك تۇرىندە جۇزەگە اسىراتىن دارا كاسىپكەرلەر تۋرالى مالىمەتتەردى ەسەپكە الۋعا جانە ساقتاۋعا, بەرىلگەن بيزنەس-سايكەستەندىرۋ نومىرلەرى تۋرالى مالىمەتتەردى قالىپتاستىرۋعا جانە ساقتاۋعا ارنالعان اقپاراتتىق جۇيە;
5) ەلەكتروندىق تسيفرلىق قولتاڭبا (ەتسق) – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ انىقتىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق سيمۆولدار جيىنتىعى;
6) قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى (ۇكو) – ەلەكتروندىق تسيفرلىق قولتاڭبانىڭ اشىق كىلتىنىڭ ەلەكتروندىق تسيفرلىق قولتاڭبانىڭ جابىق كىلتىنە سايكەستىگىن كۋالاندىراتىن, سونداي-اق جەكە جانە زاڭدى تۇلعالارعا بەرىلەتىن تىركەۋ كۋالىگىنىڭ دۇرىستىعىن راستايتىن, «ەلەكتروندىق ۇكىمەتكە» قاتىسۋشىلارعا, مەملەكەتتىك جانە مەملەكەتتىك ەمەس اقپاراتتىق جۇيەلەرگە قىزمەت كورسەتەتىن كۋالاندىرۋشى ورتالىق;
7) رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمى – بەرىلگەن, قايتا رەسىمدەلگەن, توقتاتىلا تۇرعان, كۇشى جويىلعان, ۇزارتىلعان, قايتا باستالعان جانە قولدانىسى توقتاتىلعان رۇقساتتار جانە ولاردىڭ تەلنۇسقالارى تۋرالى, سونداي-اق الىنعان حابارلامالار تۋرالى مالىمەتتەر قامتىلعان رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ قۇراۋىشى;
8) «ەلەكتروندىق ۇكىمەت» ءشليۋزى (ەۇش) – «ەلەكتروندىق ۇكىمەتتىڭ» اقپاراتتىق جۇيەلەرىن ەلەكتروندىق كورسەتىلەتىن قىزمەتتەردى ىسكە اسىرۋ شەڭبەرىندە ينتەگراتسيالاۋعا ارنالعان اقپاراتتىق جۇيە;
9) مەملەكەتتىك ورگانداردىڭ بىرىڭعاي كولىك جۇيەسى (مو بكج) – قازاقستان رەسپۋبليكاسىنىڭ اۋماعىندا ورنالاسقان, ۆەدومستۆوارالىق اقپاراتتىق-كوممۋنيكاتسيالىق جەلىدەن تۇراتىن, باسقارۋشىلىق جانە ۇيىمداستىرۋشىلىق ماقساتتاردى ىسكە اسىرۋعا جانە ولاردىڭ اۋماقتىق بولىمشەلەرى مەن ۆەدومستۆولىق باعىنىستاعى ۇيىمدارىن قوسا العاندا, جەرگىلىكتى ءوزىن-ءوزى باسقارۋ ورگاندارىنىڭ, مەملەكەتتىك ورگانداردىڭ ءوزارا ءىس-قيمىل جاساۋىنا ارنالعان, سونداي-اق ەلەكتروندىق اقپاراتتىق رەسۋرستاردىڭ جانە «ەلەكتروندىق ۇكىمەتتىڭ» اقپاراتتىق جۇيەلەرىنىڭ ءوزارا ءىس-قيمىل جاساۋىن قامتاماسىز ەتۋگە ارنالعان تەلەكوممۋنيكاتسيالار جەلىسى.
3. كاسىپكەرلىك سۋبەكتىلەرىنىڭ ساناتىن ايقىنداۋ كودەكستىڭ 24-بابىندا كورسەتىلگەن ولشەمشارتتارعا جانە ولاردىڭ شەكتى ماندەرىنە سايكەس, سونداي-اق قازاقستان رەسپۋبليكاسىنىڭ ۇكىمەتى بەكىتەتىن كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ قاعيدالارىنا سايكەس جۇزەگە اسىرىلادى.
4. كاسىپكەرلىك سۋبەكتىلەرى تۋرالى دەرەكتەر تىزىلىمدە اۆتوماتتاندىرىلعان رەجيمدە وڭدەلەدى جانە جىل سايىن 15 جەلتوقسانعا دەيىنگى مەرزىمدە جاڭارتىلىپ وتىرادى.
2. ءتىزىلىمدى جۇرگىزۋ
5. باستاپقىدا ءتىزىلىمدى قالىپتاستىرۋدى كاسىپكەرلىك جونىندەگى ۋاكىلەتتى ورگان مىنالاردىڭ اقپاراتتىق ءوزارا ءىس-قيمىل جاساۋى ارقىلى الىنعان اقپاراتتىڭ نەگىزىندە جۇزەگە اسىرادى:
1) قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى (بۇدان ءارى – مكك) تىركەلگەن كاسىپكەرلىك سۋبەكتىلەرى تۋرالى مىناداي مالىمەتتەردى ۇسىنادى:
كاسىپكەرلىك سۋبەكتىسىنىڭ بسن; كاسىپكەرلىك سۋبەكتىسىنىڭ جسن;
وسى قاعيدالاردىڭ 6-تارماعىنا سايكەس كاسىپكەرلىك سۋبەكتىسىنىڭ سوڭعى ءۇش جىلعى كىرىستەرى تۋرالى دەرەكتەر;
وسى قاعيدالاردىڭ 6-تارماعىنا سايكەس كاسىپكەرلىك سۋبەكتىلەرى جۇمىسكەرلەرىنىڭ سوڭعى ءبىر جىلعى سانى تۋرالى دەرەكتەر;
2) اقپاراتتاندىرۋ سالاسىنداعى ۋاكىلەتتى مەملەكەتتىك ورگان مىناداي قىزمەت تۇرلەرى بويىنشا ليتسەنزيالار تۋرالى اقپارات الۋ ءۇشىن رۇقساتتار مەن حابارلامالاردىڭ مەملەكەتتىك ەلەكتروندىق تىزىلىمىمەن جۇمىس ىستەۋىن قامتاماسىز ەتەدى:
ەسىرتكى قۇرالدارىنىڭ, پسيحوتروپتىق زاتتاردىڭ جانە پرەكۋرسورلاردىڭ اينالىمىنا بايلانىستى قىزمەت;
اكتسيزدەلەتiن ءونiمدi ءوندiرۋ جانە (نەمەسە) كوتەرمە ساۋدادا وتكىزۋ; استىق قابىلداۋ پۋنكتتەرiندە استىق ساقتاۋ جونiندەگi قىزمەت; لوتەرەيالار وتكiزۋ; ويىن بيزنەسى سالاسىنداعى قىزمەت;
مۇناي, مۇناي ونiمدەرiن, گاز ءوندiرۋ, وڭدەۋ جانە وتكىزۋ, ەلەكتر جانە جىلۋ ەنەرگياسىن وتكىزۋ جونىندەگى قىزمەت;
راديواكتيۆتi ماتەريالداردىڭ اينالىمىنا بايلانىستى قىزمەت;
بانك قىزمەتى (نە بانك وپەراتسيالارىنىڭ جەكەلەگەن تۇرلەرى) جانە ساقتاندىرۋ نارىعىنداعى قىزمەت (ساقتاندىرۋ اگەنتiنiڭ قىزمەتiنەن باسقا);
اۋديتورلىق قىزمەت;
باعالى قاعازدار نارىعىنداعى كاسiبي قىزمەت; كرەديتتiك بيۋرولاردىڭ قىزمەتى; كۇزەت قىزمەتi;
ازاماتتىق جانە قىزمەتتىك قارۋ مەن ونىڭ پاتروندارىنىڭ اينالىمىنا بايلانىستى قىزمەت;
3) زاڭدى تۇلعالاردى مەملەكەتتىك تىركەۋ سالاسىنداعى ۋاكىلەتتى ورگان وسى قاعيدالاردىڭ 11-15 تارماقتارىندا ايقىندالعان تارتىپپەن بارلىق تىركەلگەن جانە تاراتىلعان كاسىپكەرلىك سۋبەكتىلەرى تۋرالى, اتاپ ايتقاندا:
زاڭدى تۇلعانىڭ بسن;
زاڭدى تۇلعانىڭ اتاۋى;
زاڭدى تۇلعانىڭ ۇيىمدىق-قۇقىقتىق نىسانى تۋرالى مالىمەتتەردى بەرەدى.
6. ءتىزىلىمدى ودان ءارى جۇرگىزۋ ءۇشىن مكك جىل سايىن 15 قاراشاعا دەيىنگى مەرزىمدە كاسىپكەرلىك جونىندەگى ۋاكىلەتتى ورگانعا مىناداي اقپاراتتى ۇسىنادى:
1) الدىڭعى كۇنتىزبەلىك جىل ىشىندەگى جيىنتىق جىلدىق كىرىس مولشەرى تۋرالى دەرەكتەر (ونىڭ ىشىندە ارناۋلى سالىق رەجيمى بويىنشا جۇمىس ىستەيتىن سۋبەكتىلەر بويىنشا);
2) الدىڭعى كۇنتىزبەلىك جىل ىشىندەگى جۇمىسكەرلەردىڭ سانى تۋرالى دەرەكتەر.
كورسەتىلگەن اقپارات كاسىپكەرلىك سۋبەكتىلەرى سالىق زاڭناماسىنا سايكەس سالىق ورگاندارىنا ۇسىنعان سالىق ەسەپتىلىگىنىڭ دەرەكتەرى نەگىزىندە قالىپتاستىرىلادى.
7. تىزىلىمگە وزگەرىستەر ەنگىزۋ مىناداي جاعدايلاردا جۇزەگە اسىرىلادى:
1) وسى قاعيدالاردىڭ 9-تارماعىنا سايكەس مكك اقپاراتىندا جىبەرىلگەن قاتەلىككە بايلانىستى كاسىپكەرلىك سۋبەكتىسىنىڭ ساناتتى وزگەرتۋ تۋرالى ءوتىنىشىن قاناعاتتاندىرۋ.
بۇل رەتتە اقپاراتتاعى قاتەلىك مكك-ءنىڭ كاسىپكەرلىك جونىندەگى ۋاكىلەتتى ورگانعا سالىق تولەۋشى ونى جىبەرگەنگە دەيىن ۇسىنعان سالىق ەسەپتىلىگىنىڭ دەرەكتەرىنە سايكەس كەلمەيتىن اقپاراتتى ۇسىنۋى بولىپ تابىلادى. ءتيىستى جىلدىڭ 15 قاراشاسىنان كەيىن قوسىمشا سالىق دەكلاراتسيالارىن ۇسىنۋعا بايلانىستى سالىق تولەۋشى تۋرالى اقپاراتتىڭ وزگەرۋى قاتەلىك بولىپ تابىلمايدى;
2) سالىق تولەۋشىلەر كەلىسكەن نەمەسە دۇرىستىعىن سوت راستاعان سالىقتىق تەكسەرۋلەر ناتيجەلەرى بويىنشا وسى قاعيدالاردىڭ 6-تارماعىندا كورسەتىلگەن دەرەكتەردى وزگەرتۋ تۋرالى مكك-ءنىڭ ءوتىنىشى.
8. كاسىپكەرلىك سۋبەكتىسىنىڭ ساناتى وسى قاعيدالاردىڭ 4-تارماعىندا بەلگىلەنگەن مەرزىمدە قايتا قارالادى جانە وسى قاعيدالاردىڭ 7-تارماعىندا كوزدەلگەن جاعدايلاردى قوسپاعاندا, وزگەرتۋگە جاتپايدى.
9. وسى قاعيدالاردىڭ 7-تارماعىنا سايكەس وزگەرىستەر ەنگىزۋ مىناداي تارتىپپەن جۇزەگە اسىرىلادى:
1) كاسىپكەرلىك سۋبەكتىلەرى كاسىپكەرلىك جونىندەگى ۋاكىلەتتى ورگان الدىندا وزدەرىنىڭ ساناتىن زاڭسىز ايقىنداۋ تۋرالى ماسەلەگە راستاۋشى قۇجاتتاردىڭ كوشىرمەلەرىن مىندەتتى تۇردە قوسا وتىرىپ, جازباشا تۇردە باستاماشىلىق جاسايدى;
2) كاسىپكەرلىك جونىندەگى ۋاكىلەتتى ورگان ەكى جۇمىس كۇنى ىشىندە بەرىلگەن وتىنىشتەردى مكك-ءنىڭ قاراۋىنا جىبەرەدى;
3) مكك بەرىلگەن وتىنىشتەردى نەگىزدىلىگى تۇرعىسىنان قارايدى جانە ون جۇمىس كۇنى ىشىندە كاسىپكەرلىك جونىندەگى ۋاكىلەتتى ورگانعا ءتيىستى جاۋابىن بەرەدى;
4) كاسىپكەرلىك جونىندەگى ۋاكىلەتتى ورگان:
كاسىپكەرلىك سۋبەكتىسى ءوتىنىشىنىڭ نەگىزدىلىگى تۋرالى جاۋاپ العان جاعدايدا, ءۇش جۇمىس كۇنى ىشىندە تىزىلىمگە ءتيىستى وزگەرىستەرى ەنگىزەدى جانە ساناتتى قايتا ەسەپتەۋدى جۇرگىزەدى;
كاسىپكەرلىك سۋبەكتىلەرى ءوتىنىشىنىڭ نەگىزسىزدىگى تۋرالى جاۋاپ العان جاعدايدا, تىزىلىمگە وزگەرىستەر ەنگىزۋدەن باس تارتادى;
مكك-دەن قاتەلىكتى كاسىپكەرلىك سۋبەكتىسىنىڭ ءوزى سالىق ەسەپتىلىگىن سالىق ورگاندارىنا ۇسىنعان كەزدە جىبەرگەندىگى تۋرالى جاۋاپ العان جاعدايدا, تىزىلىمگە وسى قاعيدالاردىڭ 4-تارماعىنا سايكەس وزگەرىستەر ەنگىزەدى.
10. كاسىپكەرلىك جونىندەگى ۋاكىلەتتى ورگان ءوتىنىشتى قاراۋ ناتيجەلەرى تۋرالى كاسىپكەرلىك سۋبەكتىسىن جازباشا تۇردە حاباردار ەتەدى.
كاسىپكەرلىك سۋبەكتىلەرىنىڭ وتىنىشتەرىن قاراۋدىڭ جالپى مەرزىمى ءوتىنىشتىڭ كاسىپكەرلىك جونىندەگى ۋاكىلەتتى ورگاندا تىركەلگەن ساتىنەن باستاپ 15 جۇمىس كۇنىن قۇرايدى.
11. اقپاراتتىق ءوزارا ءىس-قيمىل اقپاراتتاندىرۋ سالاسىنداعى ۋاكىلەتتى ورگانمەن كەلىسىلگەن, مەملەكەتتىك ورگاننىڭ جاۋاپتى باسشىلارى بەكىتكەن تەحنيكالىق تالاپتار نەگىزىندە ەۇش ارقىلى سەرۆەرارالىق رەسپۋبليكالىق دەڭگەيدە جۇزەگە اسىرىلادى.
12. اقپارات الماسۋ ۇكو بەرگەن ەتسق پايدالانۋ ارقىلى «سۇراق-جاۋاپ» رەجيمىندە ەلەكتروندىق حابارلامالار ارقىلى جۇزەگە اسىرىلادى.
13. ەلەكتروندىق حابارلامالار ورىستەرىنىڭ تۇرلەرى مەن قۇرامىن اقپارات الماسۋعا قاتىسۋشىلار تەحنيكالىق تالاپتاردا بەكىتەدى.
14. اقپارات الماسۋعا قاتىسۋشىلار اقپاراتتىق جۇيەلەر جۇمىسىنداعى تەحنولوگيالىق ۇزىلىستەردى قوسپاعاندا, ءوزارا ءىس-قيمىل سەرۆيستەرىنە تاۋلىك بويى قولجەتىمدىلىك ۇسىنادى.
15. اقپارات الماسۋ كەزىندە اقپاراتتىڭ قورعالۋى قورعالاتىن مو بكج پايدالانۋ ەسەبىنەن, سونىمەن بىرگە اۆتورلىقتى راستاۋ ەسەبىنەن (ەتسق قولدانۋ), قول قويىلعان XML حابارلامالار, سونداي-اق تەحنيكالىق جانە ۇيىمداستىرۋشىلىق سيپاتتاعى ءىس-شارالار ەسەبىنەن دە قامتاماسىز ەتىلۋى ءتيىس.
3. ءتىزىلىمدى پايدالانۋ
16. ءتىزىلىم كەز كەلگەن مۇددەلى تۇلعالار, ونىڭ ىشىندە مەملەكەتتىك ورگاندار ءۇشىن كاسىپكەرلىك سۋبەكتىلەرىنىڭ ساناتى تۋرالى دەرەكتەردىڭ نەگىزگى كوزى بولىپ تابىلادى.
17. مۇددەلى تۇلعالار ءۇشىن تىزىلىمدە ءاربىر كاسىپكەرلىك سۋبەكتىسى تۋرالى مىناداي اقپارات قولجەتىمدى بولادى:
1) زاڭدى تۇلعالار تۋرالى:
بسن;
اتاۋى;
ۇيىمدىق-قۇقىقتىق نىسانى; ساناتى ء(ىرى, ورتا, شاعىن, ونىڭ ىشىندە ميكروكاسىپكەرلىك);
وسى قاعيدالاردىڭ 5-تارماعىنىڭ 2) تارماقشاسىنا سايكەس قىزمەت ءتۇرى;
2) دارا كاسىپكەرلەر تۋرالى:
جسن;
دارا كاسىپكەردىڭ تەگى, اتى جانە بار بولعان جاعدايدا, اكەسىنىڭ اتى جانە (نەمەسە) اتاۋى;
بىرلەسكەن كاسىپكەرلىك مارتەبەسىنىڭ بولۋى نەمەسە بولماۋى;
ساناتى ء(ىرى, ورتا, شاعىن, ونىڭ ىشىندە ميكروكاسىپكەرلىك);
وسى قاعيدالاردىڭ 5-تارماعىنىڭ 2) تارماقشاسىنا سايكەس قىزمەت ءتۇرى.
18. تىزىلىمدە كاسىپكەرلىك سۋبەكتىلەرىن ىزدەۋ:
1) بسن نەمەسە جسن;
2) زاڭدى تۇلعانىڭ اتاۋى جانە ۇيىمدىق-قۇقىقتىق نىسانى;
3) دارا كاسىپكەردىڭ تەگى, اتى جانە بار بولعان جاعدايدا, اكەسىنىڭ اتى جانە (نەمەسە) اتاۋى بويىنشا جۇزەگە اسىرىلادى.
19. كاسىپكەرلىك سۋبەكتىسىنىڭ ساناتى تۋرالى اقپارات ەتسق-مەن كۋالاندىرىلعان ەلەكتروندىق قۇجات نىسانىندا مۇددەلى تۇلعالارعا, ونىڭ ىشىندە مەملەكەتتىك ورگاندارعا جۇمىستا پايدالانۋ ءۇشىن بەرىلەدى.